АЗИ, НОМХОН ДАЛАЙН ОРНУУДЫН ҮЛ ХӨДЛӨХ ХӨРӨНГИЙН ЗАХ ЗЭЭЛ: 2024 ОНЫ ЭХНИЙ ХАГАС ЖИЛИЙН ТОЙМ

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

АНУ-ЫН ЭДИЙН ЗАСАГ ЗӨӨЛӨН ГАЗАРДАЖ, ХЯТАДЫН ӨСӨЛТ ХУУЧИН ТҮВШИНДЭЭ ЭРГЭН ОЧНО

Инфляц буурч, хөдөлмөрийн зах зээлийн нөхцөл байдал аажим аажмаар муудсаар 2024 онд АНУ-ын эдийн засаг хямралын шатад хараахан орчихолгүй, зөөлөн газардаж унах төлөвтэй байна. Ази, Номхон далайн орнуудын ДНБ-ий өсөлт өнгөрсөн 2023 онд 4.3% байсан бол 2024 онд 3.5% болж буурах төлөвтэй. Хятадын эдийн засаг хэвийн болж байгаа ч ирэх саруудад эдийн засгийн өсөлтийг дэмжих нэмэлт арга хэмжээг авч эхлэх болно

• АНУ-д хямрал үүсэх эрсдэлтэй байна гэх айдас замхарч, харин эсрэгээрээ тус улсын эдийн засгийн хүчтэй байдал нь Азийн орнуудын тэр дундаа цахилгаан хэрэгсэл үйлдвэрлэгч улсуудын экспортод дэм болж, эерэг нөлөө үзүүллээ. Ийнхүү экспортын эрэлт нэмэгдэхэд Азийн улсуудын валютын ханш сул байсан нь ч мөн нөлөөллөө.
• Оффисын ажилтай боловсон хүчнүүдийн ажил эрхлэлтийн хувь тогтмол нэмэгдэж байгаа тул бүс нутгийн ажил эрхлэлтийн ерөнхий түвшинг эерэг төлөвтэй байна гэж үзэж Ази, Номхон далайн бүсийн ДНБ өсөлтийг энэ оны эцэст 3.9% хүрнэ гэж таамаглалаа өндөрсгөв.
• Хятад улсын эдийн засаг удааширсан нь бүсийн эдийн засгийн өсөлтийг бууруулах гол эрсдэл хэвээр байгаа. Тус улсын эдийн засгийн бүтэц тэнцвэргүйн дээр өрхийн итгэлийн индекс тодорхой шалтгааны улмаас унасан байна.

80%

АЗИ, НОМХОЙН ДАЛАЙН УЛСУУД 2024 ОНЫ ДУНД ҮЕЭС ЭХЭЛЖ БОДЛОГЫН ХҮҮГЭЭ БУУРУУЛНА.

2024 оны дунд үеэс Ази, Номхон далайн бүс нутаг бодлогын хүүгээ бууруулж эхэлнэ. Учир нь 5-р сараас эхлээд тус бүсийн улс орнуудын ХҮИ-ээр тооцсон инфляцын түвшин буурахын зэрэгцээ АНУ ч бодлогын хүүгээ бууруулж эхлэх юм. Япон улсын хувьд, Японы Төв Банкны зүгээс бодлогын хүүгээ өсгөж магадгүй ч маш бага хувиар өсгөх тул энэ нь хөрөнгө оруулагчдын зээлийн эх үүсвэрийн өртөгт ихээр нөлөөлөхгүй. Харин БНХАУ-ын хувьд мөнгөний зөөлөн бодлогоо хадгалах төлөвтэй байна.

• АНУ-ын ХНС-с 3-р сард гаргасан таамаглалд энэ онд бодлогын хүүг 3 удаа бууруулах магадлалтай гэж байсан ч 6-р сард таамаглалаа өөрчлөн энэ онд бодлогын хүүг зөвхөн нэг удаа, 25 суурь нэгжээр (25bps) бууруулах төлөвтэй байна гэжээ. Эдийн засгийн сүүлийн үеийн мэдээ, мэдээлэлд үндэслээд ХНС бодлогын хүүгээ 9-р сараас эхэлж бууруулна гэж CBRE таамаглаж байна. Ази, Номхон далайн улсуудын (Японоос бусад) своп хүү оны эхний улиралд хэсэгхэн зуур өндөр өссөн хэдий ч өнгөрсөн жилийн түүхэн өндөр түвшнээс давалгүй буурсаар байна.
• 2024 оны эцсийн байдлаар Ази, Номхон далайн орнуудын (Хятадаас бусад) бодлогын хүү CBRE-ийн 1-р сард дэвшүүлсэн таамаглалаас өндөр түвшинд хүрэхээс гадна богино хугацаанд цар тахлын өмнөх түвшиндээ эргэж очих магадлал багатай байна. Түүнчлэн энэ жил Австралид бодлогын хүү буурахгүй төлөвтэйн дээр Өмнөд Солонгос, Энэтхэг, Шинэ Зеланд зэрэг улсуудын хувьд оны IV улиралд хүүгээ бууруулж эхлэх бололтой. Японд бодлогын хүү оны 3-р сард огцом өссөнөөс хойш тогтвортой байгаа бөгөөд он дуустал хүүнд өөрчлөлт оруулахгүй, оруулвал маш бага хэмжээний өөрчлөлт оруулах төлөвтэй байгаа.

80%

СОНГУУЛИЙН ЖИЛТЭЙ ХОЛБООТОЙГООР ГЕОПОЛИТИКИЙН ХУРЦАДМАЛ БАЙДЛУУД ҮҮСНЭ

2024 онд хэд хэдэн улсад сонгуулийн жил тохиож байгаа бөгөөд үүнээс 11-р сард болох АНУ-ын ерөнхийлөгчийн сонгууль нь бүгдийн анхаарлын төвд байна. Ази, Номхон далайн бүс нутагт Өмнөд Солонгос, Энэтхэг, Индонези, Тайван зэрэг орнуудад мөн сонгуулийн жил болж байгаа юм. Мөн ирэх 12 сарын туршид Хятад-Тайвань болон АНУ-Хятад хоорондын харилцааг улс орнууд маш анхааралтай ажиглах төлөвтэй.

Дээр дурдсан сонгуулиуд зөрчил, таагүй хэрэг явдал үүсгэлгүйгээр тогтвортой засгийн газруудыг бүрдүүлж чадвал хөрөнгө оруулагчдын болоод компаниудын итгэлийн индекс, хүлээлт эерэгээр өсөх боломжтой.

• Ази, Номхон далайн орнуудын улс төрийн нөхцөл байдал тогтвортой байгаа бөгөөд 2024 оны эхний хагас жилд явагдсан томоохон сонгуулиуд ямар нэгэн таагүй үйл явдал үүсгэсэнгүй. Иймд хөрөнгө оруулагчдын итгэлийн индекст геополитикоос үүдэлтэй өөрчлөлт бараг орсонгүй харин бодлогын хүүгийн түвшин нь асуудлын гол бай болоод байна.
• Тайванийн шинэ засаг Хятад-Тайванийн харилцан тохиролцсон квотуудыг хэвийн хадгалах хүсэлтэй байгаагаа илэрхийлэв. Энэтхэгт Ерөнхий сайд Моди-гийн нам бүх нийтийн сонгуулиар олонхи болж чадаагүй ч Засгийн газрын гол албан тушаалтнуудыг хэвээр үлдээснээр тэрээр шинэчлэлийн хөтөлбөрөө мөрдөх зорилтдоо үнэнч байгааг харууллаа.
• 11-р сард болох АНУ-ын ерөнхийлөгчийн сонгуулийн үр дүнгээс хамаарч тус улсад татвар буурах, тарифф нэмэгдэх гэх мэт өөрчлөлтүүд гарч улмаар олон улсын хэмжээнд хүүгийн түвшин хөдөлгөөнд орж болзошгүй тул хөрөнгө оруулагчид тус сонгуулийн эргэн тойрон дахь мэдээ, мэдээлэлд ихээхэн анхаарал хандуулж байна.

80%

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

ӨГӨӨЖИЙН ТҮВШИН НЭМЭГДЭХ ТӨЛӨВГҮЙ ТУЛ ОНЫ ЭХНИЙ ХАГАСТ ҮХХ-ИЙН ХӨРӨНГӨ ОРУУЛАЛТ СААРНА

Өгөөжийн өсөлт хязгаарлагдмал, хүү өндөр байгаа зэргийн улмаас 2024 оны эхний хагас жилийн хөрөнгө оруулалт зогсонги байдалд орох төлөвтэй байна.

• Бодлогын хүүг бууруулахгүй хойшлуулсаар байгаа мөн үл хөдлөхийн үнийн өөрчлөлт хүлээлтийн түвшинд очихгүй байгаа зэргээс үүдэж Хойд Америк, Европ бүсүүдийн нэгэн адилаар Ази, Номхон далайн орнуудад арилжааны үл хөдлөх хөрөнгөд чиглэсэн хөрөнгө оруулалтын үйл ажиллагаа бүрэн сэргэж чадаагүй байна. Тиймээс CBRE энэ жилийн хөрөнгө оруулалтын хэмжээний өсөлтийг 0-3% хооронд байна гэж таамагласнаар хүлээлтээ бууруулж байна. Энэхүү өсөлтийн түвшинд хүрэх эсэх нь харин Япон улсын зах зээлд энэ оны хоёрдугаар хагаст хийгдэх худалдан авалтуудын хэмжээнээс ихээхэн хамаарна. Японы үл хөдлөхийн зах зээлд хөрөнгө оруулах гадаадын хөрөнгө оруулагчдын сонирхол 2023 оны сүүлээс хойш буурсаар байгаа бөгөөд тэд өгөөжийн түвшин илүү өндөртэй хэрэгслүүдэд хөрөнгө оруулахаар анхаарлаа хандуулах болсонтой холбоотой юм.

90%

2024 ОНЫ ХОЁРДУГААР ХАГАСТ ХӨРӨНГӨ ОРУУЛАЛТЫН ҮЙЛ АЖИЛЛАГАА ЭРЧИМЖИНЭ.

Зах зээлийн үнийн хөдөлгөөн хүлээлтэд нийцэхтэй зэрэгцэж зээлийн хүү буурснаар оны хоёрдугаар хагаст үл хөдлөх хөрөнгийн хөрөнгө оруулалт идэвхжиж эхэлнэ. Хөрөнгө оруулалтын эрэлтийг чинээлэг худалдан авагчид, бэлэн мөнгө ихтэй хөрөнгө оруулагчид болон суурь үзүүлэлт сайтай хөрөнгө хайж буй мэргэжлийн оролцогчид тэргүүлэх төлөвтэй байна. Японы зах зээлийг илүүд үздэг хандлага хэвээр байхын зэрэгцээ Австрали, Өмнөд Солонгосын зах зээлүүдэд хөрөнгө оруулах сонирхол нэмэгдэх хандлагатай байна.

• 2024 оны хоёрдугаар хагаст өгөөж өсөх төлөв хэвээр байгаа тул хөрөнгө оруулагчид түрхэн зуур үүсээд өнгөрөх хөрөнгө оруулалтын таатай боломжийг ашиглахад оройтоогүй байна. Хөрөнгө оруулагчид Япон, Энэтхэг зэрэг идэвхтэй зах зээлүүдэд анхаарлаа хандуулсан хэвээр байгаа бол Австрали, Өмнөд Солонгос зэрэг орнуудад үл хөдлөхийн үнэ мөчлөгийн дээд цэгтээ хүрэх төлөвтэй байна. Харин Хятад, Сингапур, Хонконг зэрэг зах зээл дэх  хөрөнгө оруулагчдын хувьд түрээсийн өгөөжийн шаардах түвшингээ (cap rate) бууруулах тохиолдол нэмэгдсээр байгаа нь олон улсад үл хөдлөхийн үнэд хөдөлгөөн орох буюу үнэ нэмэгдэх үзэгдлийг урьтаж, бэлдэж байгаа хэрэг юм.

• Секторын суурь үзүүлэлтүүд нь суларч байгаа хэдий ч хөрөнгө оруулагчид аж үйлдвэрийн эсвэл логистикийн зориулалттай байгууламжууд болон зочид буудлын зориулалттай үл хөдлөх хөрөнгөд анхаарлаа төвлөрүүлсээр байна. CBRE-ийн зүгээс 2024 оны хоёрдугаар хагаст Азийн оффисын секторт хөрөнгө оруулахдаа core стратегийг биш эсрэгээрээ одоогийн нэрлэсэн үнэ нь ирээдүйн өгөөж, үнэ цэнээсээ доогуур байгаа төслүүдийг шилж хямдралтай үнээр авах нь илүү ашигтай гэж үзэж байна.

90%

ҮХХ ХӨРӨНГӨ ОРУУЛАЛТЫН VALUE-ADD, CORE СТРАТЕГИУД МӨН БАНКНЫ БУС ЗЭЭЛ ГОЛЛОНО

Хөрөнгө оруулагчдын хувьд value-add төслүүдийг илүүд үзнэ. Ингэснээр хөрөнгө оруулалтын дотоод өгөөжийн хувь буюу IRR хамгийн өндөртэй байдаг. Түүний дараагаар хамгийн шалгарсан байршил дахь сайн төслүүд буюу core хөрөнгүүд рүү анхаарлаа хандуулна. Учир нь тэдгээр төслүүдийн мөнгөн урсгал тасалдалгүй, тогтвортой байж чадах юм. Түүнчлэн банкаас олгодог төслийн санхүүжилтийн нөхцөл, болон олдоц тааруухан байгаа учраас банкны зээл бус бусад эх үүсвэрийн зээлүүд илүү өргөн ашиглагдах төлөвтэй байна.

• Value-add хөрөнгө оруулалтын боломжууд хөрөнгө оруулагчдын сонирхлыг татсан хэвээр байгаа ч шалгарсан байршил дахь сайн төслүүд буюу core хөрөнгүүдийн үнэ ихэнх зах зээлд дээд түвшиндээ хүрч байгаагаас харахад энэ төрлийн төслүүдэд чиглэсэн эрэлт 2024 оны хоёрдугаар хагаст илүү өндөр байх төлөвтэй байна.

• Хэдийгээр Европ, АНУ-тай харьцуулахад нийт зах зээлийн жинд харьцангуй бага хувь эзэлдэг боловч зээлийн эх үүсвэрээр хөрөнгө оруулалт хийх стратеги Ази, Номхон далайн орнуудад улам түгээмэл болж, өргөжих хандлагатай байна.

90%

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

НИЙЛҮҮЛЭЛТИЙН ИЛҮҮДЛЭЭС ҮҮДСЭН СУЛ ТАЛБАЙН ӨСӨЛТ ДЭЭД ЦЭГТЭЭ ХҮРНЭ

Ази, Номхон далайн бүс нутагт 2024 онд шинэ А зэрэглэлийн оффисын 6.5 сая орчим м.кв талбай шинээр ашиглалтад орж, нийлүүлэлтийн өсөлт үргэлжилнэ. Зах зээлийн бараг гуравны хоёрт оффисын сул талбай нэмэгдэх төлөвтэй байгаа ч Сөүл хот дахь оффисын хүрэлцээ маш хүндрэлтэй хэвээр байна. Сул талбай ихтэй байгаа зах зээлийн түрээслүүлэгчид шинэ түрээслэгчдийг татах, одоогийн түрээслэгчдээ хадгалахын тулд бүтээгдэхүүн, үйлчилгээний нөхцөл, саналаа сайжруулах шаардлагатай болно.

• Хүлээгдэж байсанчлан нийлүүлэлтийн илүүдэл Ази, Номхон далайн оффисын зах зээлд нөлөөлсөн хэвээр байгаа төдийгүй бүсийн оффисын сектор дахь сул талбайн хувь 2024 оны эхний хагас жилд 19%-д хүрч түүхэн дээд хэмжээг тогтоолоо. Зах зээлийн ойролцоогоор гуравны хоёрт нь энэхүү нөхцөл байдал ижил ажиглагдсан буюу оффисын сул талбай түүхэн дээд хэмжээндээ хүрсэн эсвэл маш өндөр хувьтай байна. Түрээслүүлэгч эздийн зүгээс түрээслэгч татах элдэв төрлийн хөнгөлөлт, урамшууллыг санал болгож байгаагийн дотор түрээсийн төлбөрөөс чөлөөлөх хугацаа санал болгох, түрээсийн талбайгаа тохижуулан засварлахад нь татаас олгох эсвэл шууд нүүж орохуйц түлхүүр гардуулах нөхцөлтэй засаж тохижуулсан талбайг хүлээлгэж өгөх гэх мэтээр арга хэмжээ авч байна. Хонконгийн хувьд түрээслэгч олох өрсөлдөөн ширүүссэнээр түрээсийн борлуулалтын зуучлалын хөлсийг өндөр тогтоох тохиолдол ч гарлаа.
• Хэдийгээр 2025/2026 онуудад шинээр ашиглалтад орохоор төлөвлөгдөж байсан томоохон төслүүд бага зэрэг хойшлох төлөвтэй байгаа ч нийлүүлэлтийн илүүдэл богино хугацаанд хэвээр үргэлжилнэ гэж үзэж байна. Харин барилга угсралт, санхүүжилтийн өртөг өндөр байгаагаас үүдэж дунд хугацаанд шинэ нийлүүлэлт буурснаар илүүдлийн эрсдэл аажмаар багасах магадлалтай.

90%

ЗАРДЛЫН ХЯНАЛТ НЭН ТЭРГҮҮНД ХЭВЭЭР ҮЛДЭНЭ

Оффис ашигладаг бизнесийн салбаруудын орлогын өсөлт энэ жил өндөр байх төлөвтэй байгаа хэдий ч оффис түрээслэгчдийн хувьд зардлын хяналт нь нэн тэргүүний чухал асуудлын нэг хэвээр байна. Түрээслэгчид үл хөдлөх хөрөнгөтэй холбоотой зардлаа хамгийн бага байлгахын тулд одоогийн түрээсийн гэрээгээ сунгахыг илүүд үзэх хандлагатай байна

• Оффисын түрээслэгчдийн хувьд түрээсийн гэрээгээ сунгах эсвэл нүүх шийдвэр гаргалтад хамгийн ихээр нөлөөлж буй хүчин зүйл нь өртөг хэвээр байна. Оффис тохижуулах өртөг өндөр хэвээр мөн ихэнх түрээслэгчид төсөвтөө хөрөнгө оруулалтын зардал тусгаагүйгээс гадна оффис түрээслүүлэгч эзэд нь түрээсийн үнээ буулгах сонирхолгүй байгаагийн улмаас хуучин түрээсийн гэрээгээ сунгах шийдвэрийг ихэвчлэн гаргаж байна. Харин нүүх шийдвэр гаргасан түрээслэгч бизнесийн байгууллагууд нь урт хугацаандаа зардлын хэмнэлттэй гэж үзсэний улмаас эсвэл нүүхтэй холбоотой өндөр зардлаа нөхөхүйц хэмжээний давуу талыг ажлын байраа сайжруулснаараа бүрдүүлж чадна гэж үзжээ.
• Шалгарсан байршилд сайн чанартай төсөл рүү хуйлрах үзэгдэл оффисын секторт одоо ч үргэлжилж байна

90%

ОНЫ ТУРШИД ЭРЭЛТ НЭМЭГДСЭЭР БАЙНА.

Түрээсийн эрэлтийг технологийн салбар, ялангуяа программ хангамж, үйлчилгээний салбар голлон тодорхойлох болно. Түүнчлэн Хятад улс эдийн засгаа өсгөх нэмэлт арга хэмжээнүүдийг авч, мөнгөний бодлогоо сулруулснаар 2024 оны хоёрдугаар хагасаас өсөлт ажиглагдаж эхэлнэ. 2024 онд Ази, Номхон далайн оффисын эрэлт бага зэрэг сайжирч,  нийт түрээсийн хэмжээ өмнөх оноос 0-5% хувиар өснө гэж CBRE үзэж байна.

• Япон болон Энэтхэгийн зах зээл дэх түрээсийн үйл ажиллагаа хүлээлтээс давсан сайн үзүүлэлттэй байснаас үүдэн оны эхний хагаст бүс нутгийн  нийт шинээр түрээслүүлсэн талбайн хэмжээ өмнөх оны мөн үетэй харьцуулахад тогтмол өсөлттэй байлаа. Түүнчлэн Энэтхэгийн зах зээлд оффисын эрэлт өндөр байгаад зогсохгүй нийт шингээлтийн хэмжээ 2019 оны эхний хагасаас хойших хамгийн дээд хэмжээндээ хүрсэн эерэг хөдөлгөөн ажиглагдлаа.
• Хэдийгээр Япон болон Энэтхэгт эрэлт сайн байгаа боловч түүний зэрэгцээ Хятад улс дахь эдийн засгийн удаашралын нөлөөг харгалзан үзсэнээр CBRE-ийн зүгээс оны эцсээр тооцоолох нийт шинээр түрээслүүлсэн талбайн хэмжээний таамаглалаа хэвээр үлдээлээ.

90%

ТЭРГҮҮН ЗЭРГИЙН, БОНЗ СТАНДАРТТАЙ ОФФИСУУДЫН ЭРЭЛТ ИХЭСНЭ

Ажлын байрны оновчтой төлөвлөлт бүхий болон тогтвортой хөгжлийн шаардлагуудыг хангасан оффисуудын эрэлт удаашрахгүй бөгөөд чанартай руу хуйлрах  үзэгдэл энэ онд ч үргэлжлэхээр байна. Хотын төвд байршилтай, чанар хийцлэл сайтай, БОНЗ стандартуудыг мөрддөг оффисын төсөл рүү чиглэх түрээслэгчдийн сонирхол тасрахгүй.

• Ногоон төслүүдийг дэмжих эрэлт нэмэгдэж, тэдгээрт чиглэсэн  шилжилт хөдөлгөөн идэвжсэний улмаас түрээслүүлэгч эздүүд эсвэл түрээслэгч ноёлсон зах зээлүүдийн аль алинд нь 2024 оны эхний хагасын байдлаар тэргүүн зэргийн оффисуудын түрээсийн үнийн өсөлт энгийн А зэрэглэлийн түрээсийн үнийн өсөлтөөс давж гарлаа.
• Брисбэн, Сөүл тэргүүтэй ихэнх зах зээлийн түрээсийн үнэ 2024 оны эхний хагас жилд тогтвортой өссөн. 2024 оны хоёрдогч хагас жилд харин энэ өсөлт сулрах эсвэл зогсонги байдалд орох төлөвтэй байна. Хятад, Хонконг, Бангкок, Манила зэрэг хотуудад түрээсийн үнэ буурах магадлалтай байгаа нь оффисын хэтийдсэн нийлүүлэлтээ шингээж чадахгүй байгаатай холбоотой

90%

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

ХЭРЭГЛЭГЧИЙН ИТГЭЛИЙН ИНДЕКС ТААРУУХАН ХЭВЭЭР БАЙНА

2024 онд Ази, Номхон далайн орнуудын эдийн засгийн өсөлт бага байгаа тул хэрэглээний зардал ч мөн буурна. Олон хэрэглэгчид зардлаа хэмнэхийн тулд үнэтэй бараа бүтээгдэхүүн худалдан авахаас зайлсхийж, хямд үнэтэй брэндийг сонгоход хүрнэ. Хятад иргэдийн гадаад руу аялах урсгал аажмаар сэргэж байгаа хэдий ч цар тахлын өмнөх үе шигээ их мөнгө зарцуулахгүй, зардал багатай аялах төлөвтэй байна.

• Ази, Номхон далайн орнуудад зээлийн хүү буурахгүй байсан нь дотоодын худалдан авагчдын эрэлтэд дарамт болж улмаар бүсийн томоохон зах зээлүүдэд худалдаа, үйлчилгээний байгууллагуудын борлуулалтын орлогын өсөлт удааширсан байдалтай 2024 оны эхний хагас жилийг дуусгалаа. Гэсэн хэдий ч Япон улс руу чиглэсэн гадаадын жуулчдын тоо эрчимжсэн нь бүсийн орлогод томоохон нөлөө үзүүлсэн байна.

• Эдийн засгийн төлөв байдал муу байгаатай холбоотойгоор Хятад болон Хонконгд хэрэглэгчдийн итгэл сулраад байгаа. Хонконгийн хувьд дотоодын хэрэглэгчид нь ойролцоо хөрш зах зээлүүд болох Хятад, Япон зэрэг улсууд руу явж худалдан авалт хийх болсноор хэрэглэгчдээ алдсаар байгаа төдийгүй үндсэн хэрэгцээнээс давсан буюу тансаг төрлийн бараа бүтээгдэхүүн, үйлчилгээний орлого буураад байгаа юм.

90%

БИЗНЕСИЙН ТЭЛЭЛТЭЭС ҮҮДЭЛТЭЙ ТҮРЭЭСИЙН ЭРЭЛТ ТОГТВОРТОЙ БАЙНА.

Худалдаа, үйлчилгээ эрхлэгчид 2024 онд хөрөнгө оруулалтын зардал аль болох гаргахгүй, сүлжээ дэлгүүрийн шинэ байршил нээхгүй гэх зэргээр маш хянуур байх боловч  харин одоогийн байршлаа өргөтгөх эсвэл сайжруулан төлөвлөх боломжийг алдалгүй ашиглана.

Худалдаа, үйлчилгээний гол цэгүүд дэх сайн байршилтай талбайнуудын эрэлт өндөр хэвээр байна. Бизнес эрхлэгчид худалдан авагчдадаа илүү таатай мэдрэмж төрүүлэхээр өрсөлддөг болсон энэ үед шинээр үүсэж буй худалдаа үйлчилгээний цэгүүдэд эсвэл түүх дурсгалын ач холбогдолтой газруудад ч мөн байршлаа нээх сонирхол нэмэгдсээр байна.

• CBRE-ийн 2024 оны 6-р сард хийсэн Ази, Номхон Далайн Түрээсийн Зах Зээлийн Итгэлийн судалгаагаар бизнес эрхлэгчид үйл ажиллагаагаа тэлэх хандлага тогтвортой нэмэгдсээр байгаагийн дотор хүнс, шингэн хүнсний худалдаа, үйлчилгээ эрхлэгч бизнесүүдээс гадна спортын холбоотой худалдаа, үйлчилгээ эрхлэгчид хамгийн түгээмэл байна.

• Бизнес эрхлэгчид чанар сайтай, шалгарсан байршилтай төслүүд рүү хуйлрах үзэгдэл үргэлжилсээр худалдаа, үйлчилгээний секторын сул талбайн хувь цар тахлын өмнөх үерүүгээ эргэн ирсэн.

• CBRE-ийн үзэж байгаагаар худалдаа эрхлэгчид цар тахлын үеийг амжилттай даван туулж, дэлгүүрийн сүлжээгээ дахин сэргээсэн хэдий ч шинэ талбай сонгохдоо илүү болгоомжтой хандана гэж харж байна. Зарим түрээслүүлэгч эздүүд тавих шаардлагаа нэмэгдүүлж байгаа тул түрээсийн гэрээний хэлэлцээр удаашрах магадлалтай бөгөөд энэ нь 2024 оны хоёрдугаар хагаст хэлэлцээрийн урсгалыг сааруулах эрсдэлтэй юм.

90%

ТҮРЭЭСИЙН ҮНЭ ХАМГИЙН ДООД ТҮВШИНДЭЭ ХҮРЭЭД СЭРГЭНЭ

2024 онд Ази, Номхон далайн худалдааны ихэнх зах зээлд түрээсийн үнэ өсөх боловч  өсөлтийн хэмжээ нь бага байх хандлагатай байна. Өсөлт нь цөөн тооны, томоохон төслүүдээр ​​хязгаарлагдах бөгөөд түрээсийн эрэлт өндөр байхаас үүдэж шалгарсан байршилтай сайн төслүүдийн түрээсийн үнийн өсөлт зах зээлийн дундажаас илүү гарна.

• Түрээсийн үнийн сэргэлтийг шалгарсан байршил дахь тэргүүн зэргийн төслүүд голлон тодорхойлсон хэвээр байна.  Худалдаа эрхлэгчид талбай төлөвлөлтдөө илүү хянуур хандаж улмаар хоёрдогч салбар, байршил нээж ажлуулах нь багассан тул төв цэгээс бусад байршлуудад түрээсийн үнийн сэргэлт удаашралтай байна.

• Хо Ши Мин хот болон Ханойн бизнесийн төв цэгүүд дэх худалдаа үйлчилгээний талбайн түрээсийн үнийн өсөлт бүс нутагтаа хоёр дахь жилдээ дарааллан тэргүүлж байна.  Учир нь дээрх байршлуудад олон улсын томоохон брэндүүдийн шаардлагыг хангах талбайн олдоц хомс байдгаас одоо байгаа талбайнууд үнээ өндрөөр нэмэх боломжтой байгаатай холбоотой.

• Түрээсийн эрэлт удаашралтай байгаа нь Хятадын хотуудын түрээсийн зах зээлийг нийтээр нь хойш татаж байна. Улмаар түрээслүүлэгч эздүүд түрээслэгч татахын тулд үнээ бууруулах, илүү сонирхолтой хөнгөлөлт, урамшуулал санал болгох зэрэг аргуудыг хэрэглэхэд хүрээд байна.

90%

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

ЭРЭЛТ ХЭВИЙН ҮРГЭЛЖИЛНЭ.

Логистикийн агуулах түрээслэгч нарын хувьд бизнесээ тэлэх хандлага 2024 онд улам л буурах төлөвтэй. Зардлын дийлэнх хувийг эзэлдэг түрээсийн үнэ өсөлттэйн дээр эдийн засгийн нөхцөл байдал сайнгүй байгаа энэ үед бизнес эрхлэгчид өөрсдийн ашигт ажиллагааг хадгалахын тулд үл хөдлөх хөрөнгөтэй холбоотой төлөвлөлт, хөрөнгө оруулалтын зардлуудад хянамгай хандах болно. Иймд тэд шинээр түрээсийн гэрээ байгуулахаас илүү одоогийн гэрээгээ сунгах сонголтуудыг түлхүү баримтална.

• Логистикийн эрэлт 2024 оны эхний хагаст хүлээлтээс хурдан сэргэсэн. Хэдийгээр түрээсийн талбайн олдоц сайжирсан ч, түрээслэгчид түрээсийн өндөр үнэ болон тохижуулалтын зардлын улмаас нүүх шийдвэр гаргахаас илүүтэйгээр түрээсийн хугацаагаа сунгахыг илүүд үзсээр байна. Талбайгаа томруулах эрэлтийг харин ихэвчлэн бага хэмжээний талбай сонирхох түрээчлэгч нар давамгайлж байна.

• 2024 оны эхний хагаст логистикийн бизнес эрхлэгч болон цахим худалдааны салбарынхны эрэлт буурснаар агуулах түрээсийн үйл ажиллагаа саарсан боловч үйлдвэрлэлтэй холбоотой аж үйлдвэрийн талбай түрээслэгчдийн үйл ажиллагаа эрчимжсэн.

• CBRE-ийн урьдчилан таамаглаж буйгаар түрээслүүлэгч эздүүд илүү уян хатан нөхцөл тавьснаар 2024 оны оны сүүлийн хагаст логистикийн зориулалттай талбайн түрээсийн үйл ажиллагаа бага зэрэг сайжирна гэж үзэж байгаа хэдий ч оны нийт дүнгээрээ түрээслүүлсэн талбайн хэмжээ нь 2023 оныхоос бага байх төлөвтэй байна.

75%

ГОЛ БАЙРШИЛ ДАХЬ БОЛОН ЧАНАРТАЙ ҮЛ ХӨДЛӨХ ХӨРӨНГИЙН ЭРЭЛТ НЭМЭГДЭНЭ.

Орчин үеийн тээвэр, логистикийн технологийн дэвшлийг нэвтрүүлсэн, эсвэл/болон тогтвортой байдлын шаардлагад нийцсэн тэргүүн зэргийн гол логистикийн талбайг эрэлхийлж байгаа түрээслэгчдийн тоо нэмэгдэж байгаатай холбоотойгоор 2024 оны түрээсийн үйл явцад шинэ төрлийн эрэлт бий болох төлөвтэй байна.

• Түрээслэгч нарын хотын төвийн бүсийн байршлийг илүүд үзэх хандлагатай болон нүүлгэлтийн өндөр зардлаас зайлсхийх зэрэг нь хотын захаар шинээр ашиглалтанд орж буй төслүүдийн эрэлтийг хязгаарлаж байгаа юм. Австрали болон Токио дахь шинэ төслүүдийн ашиглалтад орохоос өмнөх түрээсийн урьдчилсан хэлэлцээрүүд удаашралтай байна.

• Нийт зах зээлд сул талбайн хэмжээ нэмэгдэж; Хятад, Сөүл болон Вьетнамд хамгийн дээд цэгтээ хүрсэн. 2024 оны хоёрдугаар хагаст 27.4 сая м.кв бүхий шинэ бүтээн байгуулалт ашиглалтанд орж байгаа нь сул талбайн хэмжээг дахин нэмэгдүүлэх төлөвтэй байна.

85%

СУЛ ТАЛБАЙ ӨСӨХ ТУСАМ ТҮРЭЭСИЙН ҮНЭ БУУРНА.

Өргөн хүрээг хамарсан томоохон бүтээн байгуулалтууд хийгдэж байгаан дээр дамжуулан түрээслүүлэх боломжууд ихэссэнээс үзэхэд энэ жил сул талбайн хувь үргэлжлэн нэмэгдэнэ гэж таамаглаж байна. Томоохон шинэ бүтээн байгуулалтын төслүүд нь ихэвчлэн хотын захаар төвлөрч байгаа нь түрээсийн эрэлтэд жигд бус дарамт үүсгэх хандлагатай байна. Тиймээс түрээслүүлэгч эздүүд түрээслэгч татахын тулд хөнгөлөлт, урамшууллыг санал болгож эхэлсэнээр бодит түрээсийн өсөлтийг бууруулахад хүргэж байна.

• Бүс нутгийн логистикийн түрээсийн зах зээл түрээслэгчдэд таатай байдал руу аажмаар шилжиж байна. Түрээсийн үнийн өсөлтийн гүйцэтгэлээс харахад тус сектор улам эрс тэрс, хуваагдмал (bifurcated) болж буй буюу зөвхөн цөөн тооны, шалгарсан байршлуудад л өсөлт гарсан.

• Бүс нутгийн түрээсийн үнийн бодит өсөлт хүлээлтээс хурдтай буурсан бөгөөд түрээсийн төлбөрөөс чөлөөлөх хугацаа санал болгох, хөрөнгө оруулалтын зардалд татаас өгөх зэрэг урамшууллууд илүү түгээмэл болж байна. Түрээслэгчдийг татах өрсөлдөөн ширүүсэхийн хэрээр урамшууллууд цаашид ч нэмэгдэх төлөвтэй байгаа тул CBRE 2024 оны логистикийн түрээсийн үнийн өсөлтийн төлөвийг буурууллаа.

85%

2024 оны 1-р сард дэвшүүлсэн таамаглал

2024 оны I хагас жилийн тойм

Таамаглалын бодит биелэлтийн хувь

АГААРЫН ТЭЭВРИЙН ХҮЧИН ЧАДАЛ СЭРГЭХГҮЙ УДНА.

Ази, Номхон далайн ихэнх агаарын тээврийн компаниудын зорчигчдын ачааллын коэффициент 2019 оны түвшингээс өссөн хэдий ч ажиллах хүч болон онгоцны дутагдлаас шалтгаалан хүчин чадал нь бүрэн сэргээгүй хэвээр байна. Гэсэн хэдий ч, CBRE-ийн таамаглалаар олон улсын аялал жуулчлалын хэвийн байдал 2024 оны сүүлээр 2019 оны түвшинд эргэн хүрэх төлөвтэй байна.

• Ажиллах хүчний дутагдал болон онгоцны хомсдолтой холбоотой асуудлууд үргэлжилсээр байгаа хэдий ч, Ази Номхон далайн орнуудын агаарын тээврийн хэвийн үйл ажиллагаа 2024 онд мэдэгдэхүйц өссөн. Олон улсын агаарын тээврийн холбоо (IATA) – оос 2024 оны 6 сард мэдээлснээр нийт зорчигчдын тоог 2024 онд өмнөх жилийнхээс 17.4%-иар, 2025 онд 12.1%- аар нэмэгдэнэ гэж таамаглаж байна. Одоогийн байдлаар дэлхийн нийт агаарын тээврийн компаниуд дотроо  Ази, Номхон далайн орнууд нь хамгийн эрэлттэй зах зээл болж, энэ жилийн нийт зорчигчдийн ойролцоогоор 34%-ийг бүрдүүлж байна. 2043 онд IATA-ийн таамаглалаар дээрх хувь 46%-иас илүү гарч нэмэгдэнэ гэжээ.

90%

ХЯТАД ЖУУЛЧДЫН УРСГАЛ ААЖМААР ЭРГЭН СЭРГЭНЭ

Хятадын жуулчид хил нээгдсэнээс хойш эхний 12 сарын хугацаанд гадаадад аялах эсэхдээ эргэлзэж байсан. Эдийн засгийн хүндрэл буурч, гадагшаа чиглэсэн аялал жуулчлал нэмэгдэх төлөвтэй байгаа ч, Хятадын жуулчдын нийт урсгал цар тахлын өмнөх түвшинд хүрэх нь 2025 он хүртэл мөн л хүлээгдэх төлөвтэй байна.

• Хятад жуулчдын 2024 онд гадагшаа чиглэсэн аялал нэмэгдэж, Япон, Солонгос, болон Зүүн өмнөд Ази рүү түлхүү зорчиж байна. Визгүй зорчих боломжтойн дээр мөнгөн тэмдэгтийн ханш суларсан нь Хятадын жуулчдыг урсгалыг хэвийн түвшинд хүргэхэд гол түлхэц боллоо.

• Bloomberg Intelligence нь Хятадаас эхлэх олон улсын нислэгийн түвшин 2024 оны эцэс гэхэд 2019 оны түвшингийн ойролцоогоор 90%-д хүрнэ гэж таамаглаж байгаа бөгөөд 2025 оны эцэс гэхэд цар тахлын өмнөх түвшиндээ бүрэн очногэж таамаглаж байна.

90%

ДҮҮРГЭЛТ САЙЖИРСНААР БОЛОМЖИТ ӨРӨӨНД НООГДОХ ОРЛОГО ӨСНӨ

Нэг өрөөнд ногдох өдрийн дундаж орлого (ADR) ихэнх зах зээлд ерөнхийдөө тогтворжих төлөвтэй байгаа ч, сайн менежменттэй зочид буудлууд дахь дүүргэлтийн хувийн өсөлт нь орлогын дүнг тодорхойлох төлөвтэй байна. Аялал жуулчлалын энэхүү өсөлтийг ухаалгаар удирдаж, уян хатан байж чадсан тоглогчид - үүнд Япон, Өмнөд Солонгос зэрэг Хойд Азийн зах зээлүүд - гол ашиг хүртэгчид байх төлөвтэй байна.

• Мальдивын арлуудыг эс тооцвол, бүс нутгийн бүх зах зээлийн 2024 оны 6-р сарын байдлаарх боломжит өрөөнд ноогдох орлого (RevPAR)-ын үзүүлэлт өсөлттэй гарсан. Бүс нутгийн хэмжээнд нэг өрөөнд ногдох өдрийн дундаж орлого (ADR) харьцангуй тогтвортой байгаа тул  боломжит өрөөнд ноогдох орлого (RevPAR)-ын нэмгэдсэн шалтгаан нь 2024 онд дундаж дүүргэлтийн түвшин 80 суурь нэгжээр (80 bps) өссөнтэй холбоотой юм. Гэвч энэ  нь 2019 онтой харьцуулахад ~370 суурь нэгжээр (370 bps) доогуур байгаа тул үүнээс ч илүү өсөх бололцоо байгаа гэдгийг харуулж байна.

90%