Хөрөнгө оруулалт

Ерөнхий тайлбар

Жич: Энэхүү вэбсайт дээр нийтэлсэн мэдээ, судалгаа, дата, статистик, дүгнэлт болон санал зэргийг зөвхөн мэдээлэл өгөх зорилгоор боловсруулсан бөгөөд гагцхүү “Инвескор Проперти” ХХК-ийн байр суурийг илэрхийлнэ. Эдгээр нь аливаа хөрөнгө оруулалт, санхүү, эсхүл хууль, эрх зүйн зөвлөгөө биш болохыг анхаарна уу.

Мөн бидний ашигласан зарим мэдээлэл нь гуравдагч этгээдийн боловсруулсан эх сурвалжаас авсан байж болзошгүй бөгөөд эдгээрийн үнэн зөв, бодит байдалд "Инвескор Проперти" ХХК баталгаа өгөхгүй. Уг мэдээлэлтэй холбоотойгоор үүсэж болзошгүй аливаа эрсдэлийн хариуцлагыг компани хүлээхгүй болно. 

Бид зах зээлийн нөхцөл байдал, төлөв, зохицуулалтын орчны өөрчлөлт зэргийг тогтмол ажигласнаар тэдгээрт үндэслэсэн хөрөнгө оруулалтын оновчтой хувилбар, бүтцийг хөгжүүлж  хөрөнгө оруулагчдадаа санал болгодог. 

Үл хөдлөх хөрөнгийн төсөл хөгжүүлэх бизнесийн онцлогоос шалтгаалан бидний санал болгож буй шийдлүүд нь дийлэнхдээ дунд, урт хугацааны хөрөнгө оруулалт байдаг. Эдийн засгийн тодорхой суурь үзүүлэлтүүдээс хамаарч зарим тохиолдолд богино хугацааны хөрөнгө оруулалтын бүтээгдэхүүн, үнэт цаас гаргах тохиолдол бий.

Яг одоо санал болгож буй ҮХХ-ийн хөрөнгө оруулалтын боломжуудын талаарх мэдээллийг ЭНДЭЭС харах боломжтой. 

Чухал холбоосууд

Хөрөнгө оруулагчдын (ХМҮА) тайлан үзэх

Log in

ХМҮА тайлан хариуцсан санхүүгийн шинжээчтэй холбоо барих

[email protected] (+976) 8004-2860

Хөрөнгө оруулалтын туршлага

Бид үл хөдлөх хөрөнгийн салбарын биет бүтээгдэхүүнийг санхүү, хөрөнгө оруулалтын шинэлэг шийдлүүдтэй хослуулан хөгжүүлж хөрөнгө оруулагчдадаа санал болгодог. Одоогийн удирдаж буй төслүүддээ суурилан хөгжүүлж байсан хөрөнгө оруулалтын хэрэгсэл, санхүүгийн бүтээгдэхүүнүүдтэй танилцахыг хүсвэл Investment tools by ICPL.pdf файлыг татах боломжтой.

Файл татах

Санал болгох хөрөнгө оруулалт

Холбоо барих

Cap rate өгөөж тооцоолуур

Тооцоолуур

Та доорх хоосон нүдүүдэд утга оруулан cap rate өгөөжийн түвшинг тооцоолох боломжтой.

ҮХХ-ийн зах зээлийн нийт үнэлгээ ₮
Жилийн түрээсийн нийт орлого ₮
Үүнээс зардал /түрээсийн орлогын хувиар/ %
Жилийн түрээсийн цэвэр ашиг ₮
Жилийн бодит дүүргэлтийн хувь %
Жилийн бодит түрээсийн цэвэр ашиг ₮
CAP RATE өгөөжийн түвшин %

Cap rate өгөөж тооцоолуур текст

Олон улсад үл хөдлөх хөрөнгө (ҮХХ)-ийн хөрөнгө оруулалтад нийтлэг ашигладаг өгөөжийн үзүүлэлт. Тухайн ҮХХ-с эсвэл төслөөс бүрдүүлэх жилийн түрээсийн бодит цэвэр ашгийг зах зээлийн үнэд нь харьцуулж энэхүү цэвэр өгөөжийг тооцно.

CAP Rate (Түрээсийн цэвэр өгөөж) = Жилийн Түрээсийн бодит цэвэр ашиг / Зах зээлийн үнэлгээ

Нийтлэг асуултууд

Хөрөнгө оруулалтын уламжлалт хэрэгслүүд (бонд, хувьцаа, ХБҮЦ гм) нь дийлэнхдээ өгөөж бүрдүүлэх ердөө нэг л сувагтай эсвэл тухайн өгөөжийн хэмжээг нь тогтмол нэг дүнгээр тогтоочихсон байдаг.

Харин ҮХХ-ийн хувьд Түрээсийн орлого болон Үнийн өсөлт гээд 2 сувгаар өгөөж бүрдүүлэхээс гадна эдгээр орлогууд нь тус бүр, жил тутам нэгэн зэрэг өсөх хандлагатай байдаг учраас урт хугацаандаа өгөөжийн түвшин өндөртэй байдаг.

Үгүй. Өөрийн нэр дээр ҮХХ өмчилснөөр тухайн хөрөнгөө захиран зарцуулах, барьцаалбараар ашиглаж хөшүүрэг үүсгэх, өвлүүлэн үлдээх, өөрийн үнийн бодлогоо баримтлах, өнгө үзэмжийг нь чөлөөтэй сайжруулах гэх мэт шууд нөлөөлөл өндөртэй байх давуу талтай.

Гэсэн хэдий ч түрээслэгчээ эрж хайх, гэрээний үүргийг мөрдүүлэх, төлбөр цуглуулах, орлого тайлагнах, үзлэг засвар болон цэвэрлэгээ үйлчилгээ үзүүлэх гээд үүрэг хариуцлага ч дагаад өндөр байдаг сул талтай.

Тиймээс бид шууд бус хэлбэрээр, дангаараа биш олон хөрөнгө оруулагчидтай нэгдээд ҮХХ-д хөрөнгө оруулах боломжуудыг ч мөн санал болгодог.
Тэдгээрийн жишээ нь:
• Төсөл хэрэгжүүлэгчийн гаргаж буй бондыг худалдан авах
• Хамтын санхүүжилтийн платформоор дамжуулан хүссэн дүнгээрээ хөрөнгө оруулах
• Төсөл хэрэгжүүлэгчийн гаргаж буй хувьцааг худалдан авах
• ҮХХ эзэмшдэг Хөрөнгө оруулалтын сангаас нэгж эрх худалдан авах зэрэг юм.

Дээрх байдлаар хөрөнгө оруулвал I) заавал бүтэн объект худалдаж авахуйц өндөр дүнгээр хөрөнгө оруулах шаардлагагүй II) ҮХХ-ийн менежментийн мэргэжлийн байгууллага нь тухайн ҮХХ-ийн өдөр тутмын арчилгаа цэвэрлэгээнээс эхлээд түрээсийн бүх харилцааг хариуцах тул хөрөнгө оруулагчдад төвөг багатай сонголт болно.

Худалдан авагчид худалдан авалтын шийдвэр гаргах үедээ тухайн ҮХХ-ийн байршил, төлөвлөлт, хийцлэлийн чанар, дэд бүтцийн насжилт, эрхийн зөрчилгүй байдал зэрэг суурь үзүүлэлтүүдээс гадна үнийн нөхцөл, ирээдүйн орлогын төсөөллийг нь харгалзан үзэж шийдвэрээ гаргаж заншсан байх.

Харин хангалттай анхаарал хандуулахгүй байгаа хэсэг нь тухайн хөрөнгийг урт хугацаанд үнэ цэнийг нь нэмэгдүүлж, хөрөнгийн насжилтыг нь уртасгахад хамгийн чухал нөлөөлөх зүйл болох өдөр тутмын арчлалт үйлчилгээ буюу Хөрөнгийн менежмент байна.

Уг үйлчилгээг дийлэнхдээ мэргэжлийн бус байдлаар шийдэж байгаа нь тухайн хөрөнгөөс бий болох орлого, өгөөжид өндрөөр нөлөөлөх эрсдэлтэй буюу нэг ижил байршил дахь, нэг ижил хийцлэлтэй төслүүдийн хоорондох үнийн өсөлтийн зөрүүг тухайн төслийн Хөрөнгийн менежментийн үйлчилгээний чанараар тайлбарлаж болох хандлагатай байдаг.

Холбоотой Мэдээ & Медиа
  • 08.17.2026
  • Zoltsagaan

Үл хөдлөх хөрөнгийн шинэ давлагаа: “Branded Residence”

Өмнө нь худалдан авагчид өндөр зэрэглэлийн орон сууцыг тав тух, хөрөнгө оруулалтын өгөөжийн үүднээс сонгодог байсан бол өнөөдөр дэлхийн алдартай брэндүүдтэй хамтран хөгжүүлсэн төслүүдийг сонгох болжээ. Энэ нь зөвхөн үл хөдлөх хөрөнгө бус брэндийн нэр хүнд, зочид буудлын түвшний үйлчилгээ, онцгой амьдралын хэв маягийг санал болгож буй “Branded Residence” төслүүд юм.  

Цааш үзэх

Чанартай амьдралын цогц шийдэл: Эделмонт хотхон

Үл хөдлөх хөрөнгө сонгоход зөвхөн байршил хамгийн чухал байдаг үе ард хоцорчээ. Байршил чухал хэвээр байгаа ч өнөөдөр энэ нь хангалттай үзүүлэлт биш юм. Орчин үеийн үл хөдлөх хөрөнгийн зах зээлд төсөл хөгжүүлэгчийн амжилт болон төслийн үнэ цэнийг худалдан авагч, оршин суугчдынхаа "Амьдралын чанарыг сайжруулах экосистем" бүрдүүлж чадсан эсэхээр нь хэмжих болжээ.

Цааш үзэх

Invescore Property Company Profile

Цааш үзэх

Үл хөдлөх хөрөнгө = Хөрөнгө оруулалт

Үл хөдлөх хөрөнгө нь хөрөнгө оруулалтын өгөөжийг үндсэн 2 сувгаар нэгэн зэрэг бүрдүүлэх боломжтой.

Эдгээр нь:

  1. Тухайн хөрөнгөө бусдад түрээслүүлснээс олох орлого;
  2. Тухайн үл хөдлөх хөрөнгийн зах зээлийн үнийн өсөлт; (Баригдаж буй төслийнх хамгийн өндөр өсөлттэй байдаг)

Дээрх хоёр сувгийн орлого нь хоёул зах зээлийн эрэлт нийлүүлэлтийн зарчмаар, бусад бараа бүтээгдэхүүн, үйлчилгээнүүдийн үнийн өсөлтөөс багагүй түвшнээр тогтвортой нэмэгдэх хандлагатай байдаг тул туршлагатай хөрөнгө оруулагчид үл хөдлөх хөрөнгө эсвэл түүнд суурилсан санхүүгийн хэрэгслийг “инфляцаас хамгаалах хэрэгсэл” байдлаар хөрөнгийн багцдаа багтаах сонирхолтой байдаг.

Хөрөнгө оруулалттай холбоотой нэмэлт мэдээлэл авах уу?

Та холбоо барих мэдээллээ үлдээнэ үү. Манай хөрөнгө оруулалтын мэргэжилтэн тантай ажлын цагаар эргэн холбогдох болно.

 

УБ хотын ҮХХ-үүдийн Нийт өгөөж (секторын дундаж)

ЖИЧ: УБ хот дахь нийт ҮХХ-үүдийн бодит арилжаалагдаж буй үнийн нэгдсэн мэдээлэл, түрээсийн борлуулалтын гүйцэтгэлийн бодит дата (бодит дүүргэлтийн хувь, түрээсийн гэрээний бодит дүн г.м...)-г олон нийтэд нээлттэй мэдээлэл байдлаар ил тод тархаадаггүй тул гуравдагч эх үүсвэрийн мэдээлсэн сектор бүрийн дундаж үнийн мэдээллийг ашиглан Жилийн Нийт өгөөж=(Түрээсийн өгөөж + Үнийн өсөлт)-ийг тооцон дүрслэн харууллаа.

Жилийн түрээсийн өгөөж, сектороор

Эрхэм таныг

Ирж яваа эрчтэй өргөжин тэлж буй үл хөдлөх хөрөнгийн салбарт хувь нэмрээ оруулж, Төв Азийн зах зээлд шинэлэг төсөл, үйлчилгээ, шинэ бүтээгдэхүүнүүдийг нэвтрүүлэх зорилгод маань бидэнтэй нэгдэхийг урьж байна.

Бидэнтэй нэгдэх